Գոյական
Առարկա, երևույթ ցույց տվող բառերը կոչվում են գոյական անուն։
Գոյականը պատասխանում է ի՞նչ, ինչե՞ր, ո՞վ, ովքե՞ր։ Գոյականը ունի երկու թիվ։ Եզակին ցույց է տալիս մեկ առարկա, հոգնակին՝ մեկից ավելի առարկաններ։
Օրինակ՝ սեղան – սեղաններ, մառախուղ – մառախուղներ։
Բացառություն են կազմում մարդ և կին բառերի հոգնակին՝ մարդիկ, կանայք։
Կան անձ և իր ցույց տվող գոյականներ, հատուկ և հասարակ, թանձրացական և վերացական, անհոգնական և անեզական գոյականններ։
Օրինակ՝ ուսուցչուհիներ, քննիչ ( անձ ցույց տվող հասարակ գոյական)
Ռոզի, Աննա ( անձ ցույց տվող հատուկ գոյական)
Ածական
Առարկայի հատկանիշ ցույց տվող բառերը կոչվում են ածական անուն։ Ածականը պատասխանում է ինչպիսի՞ հարցին։
Օրինակ՝ ճերմակ նապաստակ, գեղեցիկ ծաղիկ։
Ածականը ունի համեմատության երեք աստիճան՝ դրական, համեմատական, գերադրական։ Դրական աստիճանը ածականի սովորական ձևն է։
Օրինակ՝ բարձր, խելացի, գեղեցիկ։
Համեմատական աստիճանը կազմվում է ածականի դրական աստիճանին ավելացնելով ավելի, պակաս, քիչ, նվազ բառերը։
Օրինակ՝ ավելի բարձր, քիչ խելացի, ավելի գեղեցիկ։
Գերադրական աստիճանը կազմվում է դրական աստիճանին ավելացնելով ամենա բառը կամ (ա)գույն վերջածանցը։ Ավելի գործածական է ամենա բառով գերադրականը։
Օրինակ՝ ամենաբարձր, ամենախելացի, գեղեցկագույն։
Բայ
Առարկայի գործողություն կամ եղելություն ցույց տվող բառերը կոչվում են բայ։ Բայը պատասխանում է ի՞նչ անել, ի՞նչ լինել հարցերին։
Օրինակ՝ վազել, ուտել, խմել, աճել, ծաղկել, թոշնել։
Բայն ունի 3 ժամանակ ներկա, անցյալ, ապառնի։
Օրինակ՛ նկարում եմ, նկարել եմ, նկարելու եմ։
Բայն ունի երեք դեմք՝ առաջին դեմք (խոսող), երկրորդ դեմք (խոսակից), և երրորդ դեմք (մի այլ անձնավորություն)։
Բայն ունի երկու թիվ՝ եզակի և հոգնակի։
Օրինակ՝ գրում եմ – գրում ենք
Թվական
Առարկայի թիվ կամ թվային կարգ ցույց տվող բառերը կոչվում են թվական անուն։
Թվականը լինում է երկու տեսակ՝ քանակական և դասական։
Քանակական թվականները ցույց են տալիս առարկայի քանակ։
Օրինակ՝ հինգ, տասը, երկու, երեք։
Քանակական թվականները բաժանվում են երեք տեսակի՝ բացարձակ, բաշխական, կոտորակային։ Բացարձակ թվականները ցույց են տալիս առարկայի քանակը ամբողջ թվերով։
Օրինակ՝ քսան, միլիոն, հայրուր։
Բաշխական թվականները կազմվում են ական ածանցով, բացարձակ թվականի կրկնությամբ։
Օրինակ՝ հինգ – հինգ, վեց – վեց, յոթ – յոթ, ութ – ութ
Կոտորակային թվականները հարադիր բարդություններ են, որոնցից առաջինը բացարձակ թվական է, երկրորդը կազմվում է րորդ, երորդ ածանցներով։
Օրինակ՝ մեկ չորրորդ, հինգ հինգերորդ
Դասական թվականները ցույց են տալիս առարկայի թվային կարգը։
Կազմվում են բացարձակ թվականին ավելացնելով րորդ, երորդ ածանցները։
Օրինակ՝ վեցերորդ, տասերորդ, հինգերորդ։
Մակ բայ