Ճպուռն ու մրջյունը
Աթաբեկ Խնկոյան
Թռի-վռի
Մի ճպուռ,
Ողջ ամառը
Շուռ ու մուռ,
Երգեց, ճռռաց.
Ճռճռաց:
Մին էլ, ըհը՜,
Ձմեռը,
Փռեց իրա
Թևերը.
Բացեց գորգը
Սպիտակ,
Դաշտերն առավ
Ձյունի տակ:
Անցան պայծառ օրերը,
Էլ ո՞ րն ասեմ,
Էլ ո՞ րը,
Երբ ամեն մի
Թռի-վռի
Մի ճպուռ,
Ողջ ամառը
Շուռ ու մուռ,
Երգեց, ճռռաց.
Ճռճռաց:
Մին էլ, ըհը՜,
Ձմեռը,
Փռեց իրա
Թևերը.
Բացեց գորգը
Սպիտակ,
Դաշտերն առավ
Ձյունի տակ:
Անցան պայծառ օրերը,
Էլ ո՞ րն ասեմ,
Էլ ո՞ րը,
Երբ ամեն մի
Թփի տակ
Թե սեղան կար,
Թե օթյակ:
Եկան օրեր
Ցրտաշունչ,
Ճպուռն ընկավ
Լուռ ու մունջ.
Քաղցած փորին
Էլ ի՜նչ երգ,
Ցուրտը տարավ
Ոտ ու ձեռք:
Զընգր-զընգր
Դողալով,
Ծանր-ծանր
Սողալով
Նա մրջյունին
Ասում էր.
— Գլխիդ մատաղ,
Սանամե՛ր,
Մի ճա՛ր արա
Շունչ առնեմ,
Ցրտից, սովից
Չմեռնեմ:
Կերակրի՛,
Տաքացրու՛,
Մինչև գարուն
Ապրեցրու:
— Ի՜նչ խաբար է,
Սանիկս,
Զարմանում եմ,
Ջանիկս,
Չաշխատեցի՞ր
Ամառը,
Ասա՛, ինչ էր
Պատճառը:
— Էդպես բանի,
Սանամե՛ր,
Էլ ժամանակ
Ո՞ վ ուներ.
Էն խոտերում
Բուրավետ
Երգում էինք
Մերոնց հետ…
— Ուրեմն դու՞ …
— Այո՛, ես
Ողջ ամառը
Դեն ու դես
Երգում էի
Մշտապես:
— Երգո՞ւ մ էիր…
Շատ բարի,
Այժմ էլ բռնի
Վեր-վերի,
Քամին ծափ տա,
Դու պարի՛:
Հարցեր և առաջադրանքներ
- Բառարանի օգնությամբ գտի՛ր նշված բառերի հոմանիշները։
պայծառ -լուսավոր
լուռումունջ-անձայն
քաղցած-սոված
բուրավետ-հոտավետ
մշտապես-միշտ
օթյակ -տուն - Կանաչով նշի՛ր առակի ուրախ հատվածը։
- Կապույտով նշի՛ր առակի տխուր հատվածը։
- Ինչպիսի՞ն էր մրջյունը։
Մրջյունը աշխատասեր էր ,բայց այդքան էլ բարի չէր:
- Իսկ ճպուռն ինչպիսի՞ն էր։
Ճպուռը մրջյունի պես աշխատասեր չէր:
- Արդարացրո՛ւ մրջյունին:
Նա ուզում էր ,որ ճպուռը աշխատել սովորի:
- Մեղադրի՛ր մրջյունին :
Ինչու՞ չօգնեցիր և մենակ թողեցիր ճպուռին:
- Արդարացրո՛ւ ճպուռին:
Ճպուռը ճիշտ վարվեց , որ ուրախ ժամանակ անցկացրեց:
- Մեղադրի՛ր ճպուռին:
Դու ճիշտ չարեցիր ,որ ամռանը չաշխատեցիր:
- Իսկ դու ինչպե՞ս կվարվեիր մրջյունի փոխարեն:
Ես ,որ լինեի մրջյունի տեղը ,ես կօգնեի ճպուռին:
- Նամակ գրի՛ր ճպուռին: Խորհուրդ տո՛ւր նրան:
Ճպու՛ռ, դու պետք է , շատ աշխատես, որ ձմռանը կարողանաս քեզ պահել։